მელანია ტრამპი -  დონალდ ტრამპი მებრძოლია, ის ამერიკისთვის და ამერიკელი ხალხისთვის ყოველდღიურად იბრძვის

ამერიკის პირველმა ლედიმ მელანია ტრამპმა განაცხადა, რომ ყოველთვის არ ეთანხმება თავისი მეუღლის ტონს და მას რჩევებს აძლევს, თუმცა საბოლოო გადაწყვეტილებას დონალდ ტრამპი ყოველთვის თვითონ იღებს.

„მსურს უფრო მეტი დრო მქონდეს, რათა თვალი ვადევნო ახალ ამბებს, თუმცა ზუსტად ვიცი თუ რა ხდება. ჩემს მეუღლეს რჩევებს ვაძლევ და ჩემს მოსაზრებებს ვუზიარებ. ზოგჯერ ის ყურს მიგდებს, ზოგჯერ - არა. მის ტონს ზოგჯერ არ ვეთანხმები, თუმცა საბოლოო ჯამში თვითონ იღებს გადაწყვეტილებებს. მან იცის თუ რა შედეგები მოჰყვება თავის გადაწყვეტილებებს. ის მებრძოლია. ის ამერიკისთვის და ამერიკელი ხალხისთვის იბრძვის ყოველდღიურად“, - განაცხადა მელანია ტრამპმა ტელეარხ Fox News-სთვის მიცემულ ინტერვიუში.

აშშ-ს პირველმა ლედიმ ასევე განაცხადა, რომ დარწმუნებულია იმაში, რომ თუ დონალდ ტრამპი გადაწყვეტს საპრეზიდენტო არჩევნებში მიიღოს მონაწილეობა, ის კვლავ გაიმარჯვებს.

„მე მას ვიცნობ, ვიცი თუ როგორ ამყარებს კონტაქტს ხალხთან“, - აღნიშნა მელანია ტრამპმა.

მან ასევე ისაუბრა იმაზე თუ რა გახდა მისთვის ყველაზე რთული მომენტი მას შემდეგ, რაც პირველი ლედი გახდა.

„ყველაზე რთული ის ოპორტუნისტები იყვნენ, დაწყებული მსახიობებიდან დამთავრებული ჟურნალისტებით, ვინც ჩემს ან ჩემი ოჯახის სახელს იყენებენ, რათა წინ წაიწიონ. ისინი ისტორიებს იგონებენ და ეს სწორი არ არის. მათ უყვართ ფოკუსირება ჭორებზე“, - დასძინა აშშ-ს პრეზიდენტის მეუღლემ.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა