ბათუმში ერთ-ერთი საჯარო სკოლის მოსწავლეზე სავარაუდო ძალადობის ფაქტზე საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 126-ე მუხლით დაიწყო, რაც ძალადობას გულისხმობს.
როგორც სკოლის დირექტორმა ჟურნალისტებთან საუბრისას განაცხადა, მეხუთე კლასის მოსწავლის მშობლებმა სკოლის დირექციას შეატყობინეს, რომ მის შვილს უფროსი ბიჭები ქუჩაში დახვდნენ და მის დაშინებას შეეცადნენ.
დირექციამ მომხდარი შინაგან საქმეთა სამინისტროს შეატყობინა.
"სკოლაში მოსწავლის მშობელი გამოცხადდა და დირექციას შეგვატყობინა, რომ მის შვილს ქუჩაში სკოლიდან წასვლის შემდეგ ხვდებოდნენ დიდი ბიჭები და აშინებდნენ. როგორც მშობელმა თქვა, მისი შვილი შეესწრო აღნიშნული პირები როგორ სძალავდნენ სავარაუდოდ, თანხას და ეს რომ ბავშვს არ გაეხმაურებინა, უფროსმა ბიჭებმა დააშინეს და სავარაუდოდ ფიზიკურადაც შეეხნენ. მომხდარი შსს-ს შევატყობინეთ და გამოძიება დაიწყო. ბავშვი სკოლაში დადის და ასევე ფსიქოლოგთანაც იმყოფებოდა. ბავშვი მეხუთე კლასელია",- განაცხადა სკოლის დირექტორმა.