ირაკლი კობახიძე - არ შეიძლება საქართველოს პრეზიდენტი იყოს ასჯერ უფრო „მოწყალე“, ვიდრე აშშ-ს ან რომელიმე ევროპული ქვეყნის პრეზიდენტი

არ შეიძლება საქართველოს პრეზიდენტი იყოს ასჯერ უფრო „მოწყალე“, ვიდრე აშშ-ს ან რომელიმე ევროპული ქვეყნის პრეზიდენტი, – ამის შესახებ პარლამენტის თავმჯდომარე ირაკლი კობახიძემ შეწყალების აქტთან დაკავშირებით განაცხადა.

კობახიძე ჟურნალისტებთან პრეზიდენტის გადაწყვეტილებას გამოეხმაურა, რომლის მიხედვითაც მარგველაშვილი შეწყალების უფლებას აღარ გამოიყენებს.

„რაც შეეხება ბოლო აქტს, ეს არის მისი გადასაწყვეტი, თუმცა, ჩვენ ვსაუბრობდით იმაზე, რომ პრეზიდენტის მიერ შეწყალების განხორციელების პრაქტიკა მთლიანად იყო აცდენილი დასავლურ გამოცდილებასთან. დაახლოებით ასჯერ მეტი იყო სტატისტიკა შეწყალების კუთხით, რაც თავისთავად მეტყველებს იმაზე, რაც იყო არასწორი ამ პრაქტიკაში. არ შეიძლება საქართველოს პრეზიდენტი ასჯერ „მოწყალე“ იყოს, ვიდრე აშშ-ს ან რომელიმე ევროპული ქვეყნის პრეზიდენტი. აქედან გამომდინარე, იყო სერიოზული ხარვეზები, რაც გადახედვას საჭიროებს და ვფიქრობ, რომ ახალი პრეზიდენტი აუცილებლად მოიყვანს შეწყალების პრაქტიკას შესაბამისობაში დასავლურ სტანდარტებთან და პრაქტიკასთან,“ – განაცხადა ირაკლი კობახიძემ.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა