87-ე საჯარო სკოლის მეთერთმეტე კლასის მოსწავლეებს შორის მცირე ინციდენტი მოხდა. როგორც „ინტერპრესნიუსისთვის“ გახდა ცნობილი, მეთერთმეტე კლასის მოსწავლეები სკოლის დერეფანში ჭიდაობდნენ, რაც სკოლის მანდატურმა ჩხუბად აღიქვა და ადგილზე პატრული გამოიძახა. როგორც ცნობილია, ინციდენტში მონაწილე პირები მეგობრები არიან, თუმცა ისინი მაინც გადაყვანილნი არიან გამოკითხვაზე.
არც ერთ მათგანს დაზიანება არ აღენიშნება.
შს სამინისტროს პრესსამსახურის ინფორმაციით, მომხდარზე გამოძიება 126-ე მუხლით მიმდინარეობს, რაც ძალადობას გულისხმობს.