მოზარდების მკვლელობის საქმეზე ცრუ ჩვენებისთვის დაკავებული არასრულწლოვნის ადვოკატი -  ჩემი დაცვის ქვეშ მყოფი უდანაშაულოა

დღეს დავკითხეთ 11 მოწმე, მათ შორის, 51-ე სკოლის დირექტორი, სასწავლო ნაწილი, გამომძიებლები და არასრულწლოვნები. ვერც ერთმა მოწმემ ვერ დაადასტურა ჩემი დაცვის ქვეშ მყოფის დანაშაულებრივი ქმედება, - აღნიშნულის შესახებ ჟურნალისტებს ხორავას ქუჩაზე მომხდარი მკვლელობის საქმეზე ცრუ ჩვენების მიცემის ბრალდებით დაკავებული არასრულწლოვნის, დ.ღ-ს ადვოკატმა, ფრიდონ სიხუაშვილმა განუცხადა.

როგორც ის აღნიშნავს, დღეს დაკითხული მოწმეები დ.ღ.-ს ბრალეულობაზე არანაირ ინფორმაციას არ ფლობენ.

„წარმოდგენილი მოწმეები საერთოდ არ ყოფილან ხორავას ქუჩაზე, 4 ნომრის ეზოში. მოწმეები არანაირ ინფორმაციას არ ფლობენ, მათ ცალსახად განაცხადეს, რომ მათ არ შეუძლიათ დაადასტურონ, რომ დ.ღ.-მ მისცა ცრუ ჩვენება. გამომძიებლებმა დაადასტურეს, რომ მათ შეასრულეს საგამოძიებო მოქმედებები და ამით დასრულდა დღევანდელი მოწმეების გამოკითხვა. ეს კიდევ ერთხელ ადასტურებს, რომ ჩემი დაცვის ქვეშ მყოფი არის უდანაშაულო", - განაცხადა სიხუაშვილმა.

შეგახსენებთ, რომ 2017 წლის პირველ დეკემბერს, ხორავას ქუჩაზე მომხდარი მკვლელობის ძირითადი საქმიდან გამოყოფილი საქმის ფარგლებში, ცენტრალური კრიმინალური პოლიციის დეპარტამენტის თანამშრომლებმა, ცრუ ჩვენების მიცემის ბრალდებით, მოსამართლის განჩინების საფუძველზე, არასრულწლოვანი დ.ღ. ივლისის თვეში დააკავეს.

გამოძიებით დადგინდა, რომ დ.ღ.-მ, რომელიც უშუალოდ შეესწრო განსაკუთრებით მძიმე დანაშაულის ჩადენის ფაქტს, განზრახ არასწორი ინფორმაცია მიაწოდა სასამართლოს და მისცა ცრუ ჩვენება.

კერძოდ, ხორავას ქუჩაზე მომხდარი მკვლელობის საქმეზე გამოძიებაში მოწმის სახით გამოკითხვისას დ.ღ -მ განაცხადა, რომ გარდაცვლილ დავით სარალიძეს ფიზიკურად დაუპირისპირდნენ კონფლიქტში მონაწილე გ.ჯ და მ.კ, რა დროსაც მ.კ. ფიზიკურ შეურაცხყოფას აყენებდა დავით სარალიძეს, თუმცა, სასამართლოში ჩვენების მიცემისას მ.კ-ს ფიზიკურ დაპირისპირებაში მონაწილეობა უარყო.

გამოძიებით ასევე, დადგინდა, რომ სასამართლო სხდომამდე დ.ღ. შეხვდა გარდაცვლილი დავით სარალიძის მშობელს და ესაუბრა ხორავას ქუჩაზე მომხდარი მკვლელობის ფაქტობრივ გარემოებებთან დაკავშირებით, თუმცა, სასამართლო განხილვის სტადიაზე მსგავსი შეხვედრა და საქმის ფაქტობრივ გარემოებებზე საუბარი უარყო.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს