„ჯორჯიან უოთერ ენდ ფაუერის” ინფორმაციით, კომპანია 14 დეკემბერს, წყალმომარაგების სტაბილურობის გაუმჯობესების მიზნით ვაკის რაიონში, არაყიშვილის ქუჩაზე მნიშვნელოვან სამუშაოებს განახორციელებს.

სისტემის გამართულად ფუნქციონირებისთვის კომპანიის ტექნიკური ჯგუფი მაგისტრალურ ქსელზე ახალ, ევროსტანდარტის ჩამკეტ-მარეგულირებელ ურდულებს დაამონტაჟებს.

მოსახლეობისთვის ნაკლები დისკომფორტის შექმნის მიზნით სამუშაოების ძირითადი ნაწილი ღამით შესრულდება.

აღსანიშნავია, რომ სამუშაოების მიმდინარეობისას მაგისტრალური ქსელის წყლისგან დაცლაა აუცილებელი, რის გამოც ხვალ, 14 დეკემბერს 22:00 საათიდან 15 დეკემბრის დილის 10:00 საათამდე წყალმომარაგება შეეზღუდება:

ვაკის რაიონში: ი.აბაშიძის ქუჩის და ჭავჭავაძის გამზირის ნაწილს, არაყიშვილის, კავსაძის და მიმდებარე ქუჩებს.

წყალმომარაგების შეზღუდვისა და აღდგენის შესახებ ინფორმაციას ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით მიაწოდებს.

დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - www.gwp.ge