ვაჟა-ფშაველას გამზირზე მომხდარი ავარიის შედეგად 4 ადამიანი დაშავდა. ერთმანეთს 2 მსუბუქი ავტომობილი შეეჯახა, რომელთაგან ერთ-ერთის მძღოლმა საჭე ვერ დაიმორჩილა და სარეკლამო ბანერს დაეჯახა.
დაშავებულები რესპუბლიკურ საავადმყოფოში გადაიყვანეს, მათ სიცოცხლეს საფრთხე ემუქრება.
როგორც "ინტერპრესნიუსს" შს სამინისტროში განუცხადეს, მომხდარზე გამოძიება 276-ე მუხლით მიმდინარეობს, რაც ტრანსპორტის მოძრაობის ან ექსპლუატაციის წესის დარღვევას გულისხმობს.