გაუფორმდება თუ არა ზაზა ბაქრაძეს საპროცესო შეთანხმება, ეს სავარაუდოდ, დღევანდელ პროცესზე გახდება ცნობილი

კრიმინალური პოლიციის ყოფილ უფროსს, ზაზა ბაქრაძეს, რომელიც ბუტა რობაქიძის მკვლელობასთან დაკავშირებით სამსახურებრივი უფლებამოსილების ბოროტად გამოყენებასა და იარაღის უკანონო გადაზიდვის საქმეზე ერთ-ერთი ბრალდებულია, გაუფორმდება თუ არა საპროცესო შეთანხმება, ეს სავარაუდოდ, დღევანდელ პროცესზე გახდება ცნობილი, რომელიც 11:00 საათზეა ჩანიშნული.

როგორც წინა სასამართლო სხდომაზე გახდა ცნობილი, ბაქრაძის ადვოკატმა, ზაზა შანავამ პროკურატურას მისი დაცვის ქვეშ მყოფისთვის საპროცესო შეთანხმების გაფორმებასთან დაკავშირებით მიმართა. თუმცა, აღნიშნულთან დაკავშირებით, პროკურატურას პოზიცია არ დაუფიქსირებია.

ზაზა ბაქრაძე ერთადერთია აღნიშნულ საქმეზე ბრალდებულთაგან, რომელიც ჩადენილ დანაშაულს აღიარებს და აცხადებს, რომ ბუტა რობაქიძის მკვლელობის ადგილზე იარაღი მიტანილია და ამაში მასაც აქვს მონაწილეობა მიღებული. ბაქრაძე მიმდინარე წლის 28 თებერვალს ჩვენების მისაცემად დაბრუნდა საქართველოში, რა დროსაც თბილისის საერთაშორისო აეროპორტში დააკავეს. 30 მარტს ის 5 000-ლარიანი გირაოს სანაცვლოდ სხდომათა დარბაზიდან გაათავისუფლეს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში