თემურ აბაზოვი - ცილისწამებაზე საჩივარს შევიტან,  ეს იყო სერიოზული ფსიქოლოგიური დარტყმა ჩემი ოჯახის მისამართით

ეს იყო სერიოზული ფსიქოლოგიური დარტყმა ჩემი ოჯახის მისამართით. საჩივარს შევიტანთ ცილისწამებაზე და აუცილებლად იქნება შედეგი, ვინაიდან ეს იყო დადგმული პროვოკაცია, - ამის შესახებ „ინტერპრესნიუსს“ მარნეულის ყოფილმა მერმა, თემურ აბაზოვმა განუცხადა, რომელსაც აღკვეთის ღონისძიება-პატიმრობა 10 000-ლარიანი გირაოს სანაცვლოდ გუშინ შეეცვალა.

აბაზოვი მისთვის წარდგენილ ბრალდებას კატეგორიულად არ ეთანხმება და აცხადებს, რომ საქმეში არსებული ერთადერთი მოწმე იტყუება.

„არაფერს ვეთანხმები. ეს იყო ბინძური პროვოკაცია. მოწმემ დაკითხვის დროსაც ახსენა, რომ ეს ყველაფერი იმის გამო გააკეთა, რომ „ნაციონალურ მოძრაობაში“ გადასულიყო. მოგეხსენებათ, ჩემს საქმეში ერთადერთი მოწმე არსებობს. საქმეშიც ასე ჩანს და მისი დაკითხვის დროსაც გამოვლინდა ძალიან ბევრი ტყუილი. აქედან გამომდინარე, საჩივარს შევიტანთ ცილისწამებაზე და აუცილებლად იქნება შედეგი, ვინაიდან ეს იყო დადგმული პროვოკაცია. ეს იყო სერიოზული ფსიქოლოგიური დარტყმა ჩემი ოჯახის მისამართით. მე ვცხოვრობ ჩემს მშობლებთან და ცოლ-შვილთან ერთად. წარმოიდგინეთ, ჩემი მეუღლე, სამი არასრუწლოვანი შვილი უყურებდა იმას თუ როგორ აყენებდნენ მათ პირდაპირ ეთერში შეურაცხყოფას. შესაბამისად, ეს სერიოზული ფსიქოლოგიური დარტყმა იყო. მთელი ოჯახი და მთელი სანათესაო ძალიან ცუდად იყო“, - აცხადებს აბაზოვი.

მისივე განმარტებით, სასამართლოს გადაწყვეტილება, რომ აღკვეთის ღონისძიება პატიმრობა გირაოთი შეცვლოდა, მისთვის მოულოდნელი არ ყოფილა.

„სიმართლე გითხრათ, პირველივე პროცესიდან ვიყავი ამის მოლოდინში, ვინაიდან პროკურატურას სერიოზული სამხილი არ ჰქონდა. გირაოს ყოველი შეთავაზებისას მოლოდინში ვიყავი, რომ გირაოს შემიფარდებდნენ. გუშინ გათავისუფლებას ყველაზე მეტად ველოდი, რადგან მთავარი მოწმები დაკითხულები იყვნენ, შესაბამისად, ნივთმტკიცებულებების განადგურების, მოწმეზე ზემოქმედების მოხდენა გამორიცხული იყო. შესაბამისად, არანაირი აზრი არ ჰქონდა და არც იქნებოდა სწორი, რომ პატიმრობაში დავრჩენილიყავი“, - დასძენს აბაზოვი.

მოითხოვს თუ არა ის მორალური ზიანის ანაზღაურებას, მას შემდეგ გახდება ცნობილი, რაც ადვოკატებთან კონსულტაციას გაივლის.

„დეტალებს ადვოკატებთან გავივლი და სამართლებრივად როგორც სწორი და გამართლებული იქნება, ისე მოვიქცევი“, - აცხადებს მარნეულის ყოფილი მერი.

შეგახსენებთ, რომ თემურ აბაზოვს აღკვეთის ღონისძიება - პატიმრობა 10 000-ლარიანი გირაოს სანაცვლოდ გუშინ შეეცვალა.

მარნეულის ყოფილი მერი თემურ აბაზოვი პროკურატურამ 13 ივნისს დააკავა და სასამართლომ აღკვეთის ღონისძიების სახით პატიმრობა 14 ივნისს შეუფარდა.

მას ბრალი საქართველოს სისხლის სამართლის კოდექსის 1443-ე მუხლის მე-2 ნაწილის ”ა” ქვეპუნქტით 157-ე მუხლის პირველი პრიმის პირველი და მეორე ნაწილით აქვს წაყენებული, რაც მოხელის ან მასთან გათანაბრებული პირის მიერ, დამამცირებელ ან არაადამიანურ მოპყრობას; პირადი ცხოვრების ამსახველი მასალის გადაღება-გავრცელების ორგანიზებას გულისხმობს.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ