ადა მარშანია - ირაკლი კობახიძეს ეტყობა ჩვენი ხელით უნდოდა „ნაციონალების“ ცემა

პარლამენტის თავმჯდომარეს შეეძლო დროულად გამოეცხადებინა შესვენება, მაგრამ ეტყობა კობახიძეს ჩვენი ხელით უნდოდა „ნაციონალების“ ცემა“, - ამის შესახებ „პალიტრანიუსის“ გადაცემაში „7VS1” ფრაქცია „საქართველოს პატრიოტების“ წევრმა, ადა მარშანიამ განაცხადა.

დეპუტატი გამოეხმაურა პარლამენტში ორი დღის წინ მომხდარ დაპირისპირებას და განაცხადა, რომ პარლამენტის თავმჯდომარემ დროულად არ გამოიყენა მის ხელთ არსებული ბერკეტები.

ამასთან, ადა მარშანიამ აღნიშნა, რომ „პატრიოტთა ალიანსი“ გააკეთებს ყველაფერს, რათა 2020 წლის საპარლამენტო არჩევნებზე შემცირდეს, როგორც „ნაციონალური მოძრაობის“, ასევე „ქართული ოცნების“ გამარჯვების შანსები.

„2020 წლამდე ყველაფერს გავაკეთებთ, საზოგადოებასთან ერთად, რომ მინიმუმამდე დავიყვანოთ „ნაციონალური მოძრაობისა“ და „ქართული ოცნების“ შანსები. როდესაც თავხედი, ხულიგანი და არამართალი ადამიანი ზის, ნოტაციებს გვიკითხავდა და გვიყვიროდა, რომ მონები და სატელიტები ვართ ივანიშვილის, ვინ მოითმენდა ამას?! კიდევ კარგად მოითმინა ირმამ.

პარლამენტის თავმჯდომარე ნამდვილად არ ცდილობდა სიტუაციის განმუხტვას, მას დროულად შეეძლო გამოეცხადებინა შესვენება, მაგრამ ეტყობა კობახიძეს ჩვენი ხელთ უნდოდა „ნაციონალების“ ცემა“, - განაცხადა ადა მარშანიამ.

შეგახსენებთ, პარლამენტში ორი დღის წინ დეპუტატებს შორის სიტყვიერი და ფიზიკური დაპირისპირება მოხდა. დაპირისპირება მას შემდეგ დაიწყო, რაც დეპუტატ ირმა ინაშვილს სიტყვით გამოსვლისას ადგილიდან გარკვეული რეპლიკებით „ნაციონალური მოძრაობის“ წევრი ნიკა მელია პასუხობდა. ირმა ინაშვილმა გამოსვლა შეწყვიტა, მივიდა მელიასთან და მათ შორის ფიზიკურ გაწევ-გამოწევას ჰქონდა ადგილი. დაპირისპირებაში ზაზა პაპუაშვილიც მონაწილეობდა.

იხილეთ ვიდეო: "ირაკლი კობახიძეს ეტყობა ჩვენი ხელით უნდოდა "ნაციონალების" ცემა" - ადა მარშანია

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს