დღეს, 11:00 საათიდან პირველი რესპუბლიკის მოედანი გადაიკეტება. ამის შესახებ „ინტერპრესნიუსს“ თბილისის მერიიდან აცნობეს.

„დედაქალაქში წინასაახალწლო სამზადისი გრძელდება. აღნიშნული სამუშაოებიდან გამომდინარე, დღეს, 15 დეკემბერს, 11:00 საათიდან პირველი რესპუბლიკის მოედანი გადაიკეტება, სადაც საახალწლო სოფელი მოეწყობა.

თბილისის მერია ბოდიშს გიხდით შეფერხებისთვის“, - აღნიშნულია გავრცელებულ ინფორმაციაში.