ფოთში, ბერდიანსკის ქუჩაზე, ბუნებრივი აირით ბებია და შვილიშვილი მოიწამლნენ. ისინი სასწრაფო-სამედიცინო დახმარების ბრიგადამ ქალაქის ცენტრალურ კლინიკურ საავადმყოფოში გადაიყვანა.
საავადმყოფოს დირექტორის თეა მიგინეიშვილის განცხადებით, მათ შესაბამისი გამოკვლევები უტარდებათ.
“112-ის ბრიგადამ შემოიყვანა ორი პაციენტი, 70 წლის ქალი და 12 წლის ბავშვი. ისინი მოთავსებული არიან მიმღებ დიაგნოსტიკურ განყოფილებაში და შესაბამისი გამოკვლევა უტარდებათ. ისინი ექიმების დაკვირვების ქვეშ იმყოფებიან. მათი მდგომარეობა ჯერჯერობით სტაბილურია“, - აღნიშნა თეა მიგინეიშვილმა.
როგორც ,,იტერპრესნიუსს“ შსს-ში განუცხადეს, მომხდარ ფაქტზე მოკვლევა მიმდინარეობს.