გაერთიანებული ოპოზიცია „ძალა ერთობაშიას“ წარმომადგენლები 16 დეკემბერს, დილის 9 საათიდან აეროპორტის გზაზე მდებარე ცენტრალური ოფისიდან თელავისკენ დაიძვრებიან. ამის შესახებ გაერთიანებული ოპოზიცია „ძალა ერთობაშიას“ ცენტრალურ ოფისში გამართულ ბრიფინგზე თბილისის საკრებულოს ფრაქცია „ნაციონალური მოძრაობის“ წევრმა ლევან ხაბეიშვილმა განაცხადა.
„ხვალ, დილის 9 საათიდან, თბილისიდან, აეროპორტის გზაზე მდებარე ცენტრალური ოფისიდან ჩვენ დავიძვრებით თელავისკენ, სადაც კონსტიტუციის ფარგლებში ჩვენს პროტესტს დავაფიქსირებთ. სალომე ზურაბიშვილს არ აქვს არანაირი მორალური უფლება იყოს და ერქვას საქართველოს პრეზიდენტი, განსაკუთრებით მას შემდეგ, რაც დღეს ის მალულად მიიპარა გმირთა მემორიალზე“, - განაცხადა ხაბეიშვილმა.