საქართველოს არჩეულმა პრეზიდენტმა სალომე ზურაბიშვილმა დღეს, საქართველოს ტერიტორიული მთლიანობისთვის ბრძოლაში დაღუპული გმირების ხსოვნას პატივი მიაგო და მემორიალი გვირგვინით შეამკო.
როგორც „ინტერპრესნიუსს“ არჩეული პრეზიდენტის პრესსამსახურიდან აცნობეს, სალომე ზურაბიშვილმა ინაუგურაციამდე ერთი დღით ადრე ასევე, წმიდა ილია მართლის საფლავი მოილოცა და პატივი მიაგო მთაწმინდის მწერალთა და საზოგადო მოღვაწეთა პანთეონში დაკრძალულ ღვაწლმოსილ ადამიანებს.
იხილეთ ვიდეო: სალომე ზურაბიშვილი მთაწმინდის პანთეონში და გმირთა მემორიალთან იმყოფებოდა