ხელისუფლებამ ხალხს არჩევანი მოპარა", “არა სალომეს“, "არჩევნები გაყალბებულია", - ამ ლოზუნგებით ბათუმში "ერთიანი ნაციონალური მოძრაობის" ლიდერებმა და აქტივისტებმა ქუჩებში მსვლელობა მოაწყვეს.
ამ წუთებში ოპოზიციის წევრები აქციას აჭარის მთავრობის სახლთან მართავენ.
როგორც "ერთიანი ნაციონალური მოძრაობის" წევრებმა განაცხადეს, გაერთიანებული ოპოზიცია სალომე ზურაბიშვილს როგორც საქართველოს პრეზიდენტს არ აღიარებს.
"ერთიანი ნაციონალური მოძრაობის" წევრები აცხადებენ, რომ საქართველოში საპრეზიდენტო არჩევნები მმართველმა გუნდმა გააყალბა და ყველა რესურსი გამოიყენა არჩევნების გასაყალბებლად.