საქართველოს პარლამენტის თავმჯდომარე ირაკლი კობახიძე ჩეხეთის რესპუბლიკის სენატის მარშალს, იაროსლავ კუბერას შეხვდა. ინფორმაციას ამის შესახებ საქართველოს პარლამენტის პრესსამსახური ავრცელებს.

მათივე ინფორმაციით, შეხვედრაზე ორმხრივი ურთიერთობები განიხილეს და ყურადღება საპარლამენტო თანამშრომლობაზე გაამახვილეს. საქართველოს პარლამენტის თავმჯდომარემ ჩეხ კოლეგას ჩვენს ქვეყანაში განხორციელებული და მიმდინარე დემოკრატიული რეფორმები გააცნო. იაროსლავ კუბერას განცხადებით, ჩეხეთი დაინტერესებულია აღნიშნული კუთხით, ჩვენი ქვეყნის გამოცდილების გაზიარებით.

სენატის მარშალმა საქართველოს პარლამენტის თავმჯდომარე ვიზიტით ჩეხეთში მიიწვია. იაროსლავ კუბერამ ირაკლი კობახიძეს ჩვენი ქვეყნის სუვერენიტეტისა და ტერიტორიული მთლიანობის, ასევე, ევროპული და ევროატლანტიკური მისწრაფებების მიმართ მტკიცე მხარდაჭერა კიდევ ერთხელ დაუდასტურა. ​