კოლუმბიაში, კორდობას დეპარტამენტში ღამის კლუბში აფეთქების შედეგად 13 ადამიანი დაშავდა. ამის შესახებ ინფორმაციას კოლუმბიური მედია ავრცელებს.

არსებული ინფორმაციით, ბოროტმოქმედებმა ასაფეთქებელი მოწყობილობა ღამის კლუბში El Rancho de Jhon-ში შეაგდეს, რომელიც ქალაქ მონტელიბანოში მდებარეობს. აღნიშნულ კლუბში მყოფები საფეხბურთო კლუბ „ხუნიორ ბარანკილიას“ კოლუმბიის ჩემპიონატში გამარჯვებას აღნიშნავდნენ.

ინციდენტის შედეგად სამი პირი მძიმედ დაშავებულია. პოლიცია გამოძიებას ატარებს.