ოპოზიციის აქციები თუ კანონის ფარგლებში წარიმართება, არანაირი პრობლემა არ იქნება, - ამის შესახებ ჟურნალისტებს შს მინისტრის მოადგილემ ნათია მეზვრიშვილმა განუცხადა.

მისი თქმით, შსს-მ მთელი წლის განმავლობაში არაერთხელ დაამტკიცა, რომ პატივს სცემს გამოხატვის თავისუფლებას.

"კანონის ფარგლებში თუ წარიმართება ეს ყველაფერი, არანაირი პრობლემა არ არის. მნიშვნელობა არ აქვს, ვინ აწყობს აქციას. პოლიციამ კარგად აჩვენა მთელი წლის განმავლობაში, რომ გამოხატვის თავისუფლებას პატივს ვცემთ",- განაცხდა მეზვრიშვილმა.

როგორც ცნობილია, „ნაციონალურმა მოძრაობამ“ გუშინ პარლამენტთან 8 კარავი გაშალა.