თბილისში, თემქაზე 20 წლის ანა ნაცვლიშვილის მკვლელობაში მსჯავრდებული ლადო გრიგალაშვილის ადვოკატმა, ნაირა ოტიაშვილმა თბილისის საქალაქო სასამართლოს გადაწყვეტილება გაასაჩივრა.

ადვოკატმა საჩივარი სასამართლოში 14 დეკემბერს შეიტანა.

როგორც ნაირა ოტიაშვილი აცხადებს, აღნიშნულ საქმეზე ბრალდების მხარემ მტკიცებულებების წარმოდგენა ვერ შეძლო. ის გრიგალაშვილის გამართლებას ითხოვს.

შეგახსენებთ, რომ 14 დეკემბერს, თბილისის საქალაქო სასამართლოს მოსამართლე ბესიკ ბუგიანიშვილმა ლადო გრიგალაშვილს ანა ნაცვლიშვილის მკვლელობისთვის უვადო პატიმრობა შეუფარდა.