„ევროპული საქართველო“ შინაგან საქმეთა მინისტრის გიორგი გახარიას პარლამენტში მისვლას მოითხოვს. როგორც ბიუროს სხდომაზე „ევროპული საქართველოს“ წევრმა სერგი კაპანაძემ განაცხადა, გახარიამ რამდენჯერმა მოატყუა პარლამენტი საკანონმდებლო ორგანოში მისვლასთან დაკავშირებით, ამიტომ მან მოუწოდა უმრავლესობას უზრუნველყონ შს მინისტრის მისვლა.

„ჩვენ დაბარებული გვყავდა ფრაქციის სხდომაზე, დაგვპირდა მოსვლას მაგრამ არ მოვიდა. წელიწადი მთავრდება და ჯერ კიდევ არ მოსულა. გუშინ ღიად იქნა აბუჩად აგდებული კონსტიტუციური უფლება თავისუფლად გადაადგილების, მათ შორის მინისტრის მიერ და ხელისუფლების მიერ. ახალი რეგლამენტის მიხედვით, მოვითხოვეთ მინისტრის მოსვლა კომიტეტზე და იქნება უზრუნველყოთ, რომ შს მინისტრი მოვიდეს და ყველა კითხვას გასცეს პასუხი“, - განაცხადა კაპანაძემ.

იხილეთ ვიდეო: "ოპოზიციაში ხართ თუ ხელისუფლებაში, ხელწერა არ გეცვლებათ" - კამათი ბიუროს სხდომაზე