თბილისის მერის კახა კალაძის განცხადებით, მომავალი წლის დედაქალაქის ბიუჯეტის პროექტს საკრებულოში დასამტკიცებლად თავად წარადგენს. ამის შესახებ კახა კალაძემ ჟურნალისტებს განუცხადა.
„პატივს ვცემ საკრებულოს და თითოეულ მის წევრს. მზად ვარ წარვადგინო ბიუჯეტი და ჩავაბარო ანგარიში ერთი წლის განმავლობაში თუ რა გააკეთა თბილისის მერიამ და რა გეგმები აქვს სამომავლოდ“, – განაცხადა მერმა.
ამასთან, კალაძემ არ დააკონკრეტა, თუ როდის წარადგენს თბილისის საკრებულოში ბიუჯეტის პროექტს.
მისივე თქმით, 921 მლნ ლარის მოცულობის ბიუჯეტი წლის განმავლობაში სახელმწიფო ტრანსფერების ხარჯზე ერთ მილიარდს გადააჭარბებს.