სამოქალაქო ავიაციის სააგენტოს ლევან კარანაძე უხელმძღვანელებს

ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს ლევან კარანაძე უხელმძღვანელებს.

როგორც „ინტერპრესნიუსს“ ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოდან აცნობეს, კარანაძე სააგენტოს დირექტორის პოზიციაზე სამინისტროს მიერ გამოცხადებული კონკურსის შედეგად შეირჩა.

ლევან კარანაძე 2018 წლის მარტიდან დღემდე სააგენტოს დირექტორის პირველი მოადგილე, ხოლო 2013 წლიდან დირექტორის მოადგილე იყო. 2016-18 წლებში იყო EUROCONTROL-ის მეკავშირე ოფიცერი საქართველოდან. 2011-2013 წლებში კარანაძე სააგენტოს სააერნაოსნო მომსახურების დეპარტამენტს ხელმძღვანელობდა.

პარალელურად იყო საავიაციო ინგლისური ენის დონის გამომცდელი თბილისის საერთაშორისო საავიაციო ტრეინინგ ცენტრში (TIATC). სააგენტოში მუშაობის დაწყებამდე, ლევან კარანაძე მუშაობდა ერთიან სატრანსპორტო ადმინისტრაციაში სააერნაოსნო მომსახურების ორგანიზების სამმართველოს უფროსად, ხოლო 2008-2011 წლებში, საჰაერო მოძრაობის მეთვალყურედ შპს “საქაერონავიგაციაში“.

„ლევან კარანაძეს დამთავრებული აქვს საქართველოს ტექნიკური უნივერსიტეტის საავიაციო ინსტიტუტი საერთაშორისო ეკონომიკური ურთიერთობების და საჰაერო ტრანსპორტის მენეჯმენტის სპეციალობით, იყო კომპანია „Boeing“-ის სტიპენდიანტი და მიღებული აქვს მაგისტრის წოდება ამავე მიმართულებით. კარანაძეს ასევე გავლილი აქვს საჰაერო მოძრაობის მეთვალყურის სასწავლო კურსი და დღემდე ინარჩუნებს ავიამეთვალყურის მოწმობას. იგი იყო ევროკავშირის საჯარო სამსახურების დაძმობილების (TWINNING) პროექტის - “საქართველოს საავიაციო კანონმდებლობის დაახლოება ევროკავშირის სტანდარტებთან” და ევროპის საჰაერო ნავიგაციის უსაფრთხოების ორგანიზაციის (EUROCONTROL) პროექტის -"სამოქალაქო ავიაციის სააგენტოს ხელშეწყობის შესახებ" ლიდერი საქართველოში. ფლობს ICAO-ს ინგლისურის მე-5 დონის სერტიფიკატს“, - ნათქვამია ინფორმაციაში.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა