პარლამენტის რიგგარეშე სხდომა მიმდინარე კვირას ქუთაისში ჩატარდება. შესაბამისი გადაწყვეტილება დღეს ბიურომ მიიღო.
პრეზიდენტის ინაუგურაციის შემდეგ ძალაში პარლამენტის ახალი რეგლამენტი შევიდა, რომლის მიხედვით, პარლამენტის ადგილსამყოფელად განსაზღვრულია თბილისი, მაგრამ იმის გამო, რომ პარლამენტის თბილისის სასახლის პლენარულ სხდომათა დარბაზი სხდომის ჩასატარებლად ჯერ-ჯერობით გამართული არ არის, ბიურომ მიმდინარე კვირას რიგგარეშე პლენარული სხდომის ქუთაისში ჩატარების შესახებ მიიღო გადაწყვეტილება.