კამპანიის „არა ბულინგს“  ფარგლებში  გამარჯვებული ვიდეორგოლები გამოვლინდა

საქართველოს პროკურატურის ორგანიზებით მიმდინარე კამპანია „არა ბულინგს“ საჯარო სკოლის მოსწავლეების მიერ გადაღებული ვიდეორგოლების კონკურსით დასრულდა.

როგორც „ინტერპრესნიუსს“ მთავარი პროკურატურიდან აცნობეს, თემაზე „არა ბულინგს, არა იარაღს“ მომზადებული 20 ვიდეორგოლის ჩვენება მთავარ პროკურატურაში მოეწყო. მათივე ინფორმაციით, ვიდეორგოლები, საქართველოს მთავარი პროკურორის მოადგილის გიორგი გოგაძის ხელმძღვანელობით, სპეციალურმა ჟიურიმ შეაფასა. მის შემადგენლობაში შედიოდნენ მთავარი პროკურატურის წარმომადგენლები, საქართველოში აშშ-ს საელჩოს იურიდიულ საკითხთა მრჩეველი მაიკლ გრანტი, ფსიქოლოგი ეკატერინე თავართქილაძე და არასამთავრობო ორგანიზაცია „პარტნიორობა ადამიანის უფლებებისთვის“ წარმომადგენელი ანა არგანაშვილი.

კონკურსზე საქართველოს მასშტაბით სამი გამარჯვებული ვიდეორგოლი გამოვლინდა. უწყების ცნობით, პირველი ადგილი დაბა კაზრეთის მე-2 საჯარო სკოლამ დაიკავა, მეორე ადგილზე წალკის მუნიციპალიტეტის სოფელ ხარების საჯარო სკოლა გავიდა, მესამე ადგილზე ქ.სენაკის მე-7 საჯარო სკოლა დასახელდა. საქართველოს პროკურატურის რჩეული კი ყვარლის მუნიციპალიტეტის სოფელ თივის საჯარო სკოლა გახდა.

მათივე ინფორმაციით, კონკურსში გამარჯვებულები ვიდეოკამერით, მუსიკალური ცენტრით და ფოტოაპარატით დასაჩუქრდნენ, ხოლო კონკურსის ყველა მონაწილეს სპეციალური სიგელები და თემატური მაისურები გადაეცათ.

საქართველოს პროკურატურის ორგანიზებით და საქართველოში ამერიკის შეერთებული შტატების საელჩოს ფინანსური მხარდაჭერით კამპანია „არა ბულინგს“ 10 დეკემბერს დაიწყო. კვირეულის ფარგლებში ბულინგის და ძალადობის პრევენციის მიზნით სხვადასხვა აქტივობები და ღონისძიებები საქართველოს 7 ქალაქში - ბათუმში, ზუგდიდში, ქუთაისში, ახალციხეში, გორში, თელავსა და რუსთავში ჩატარდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს