თავად ხელოვანის გადასაწყვეტია, ვის წინაშე იმღერებს, მაგრამ თუ მას პოლიტიკოსობაზე აქვს ხედვა, ალბათ, ნაკლებად მისაღები იქნება ასეთი ნაბიჯის გადადგმა, - ასე გამოეხმაურა ჯანდაცვის მინისტრი დავით სერგეენკო ინფორმაციას იმის შესახებ, რომ პაატა ბურჭულაძემ იმ კონცერტზე იმღერა, რომელსაც რუსეთის პრეზიდენტი, ვლადიმერ პუტინი ესწრებოდა.
"ცალსახად გამიჭირდება შეფასება, რადგან ამ ყველაფერს ორი მხარე აქვს. ერთი არის ხელოვნება. ამ მიმათულებას მე ვერ შევაფასებ. თავად ხელოვანის გადასაწყვეტია, ვის წინაშე იმღერებს, მაგრამ თუ მას პოლიტიკოსობაზე აქვს ხედვა, ალბათ, ნაკლებად მისაღები იქნება ასეთი ნაბიჯის გადადგმა", - განაცხადა სერგეენკომ.