11 თვის განმავლობაში, პროფესიული საქმიანობის განხორციელებისას მსოფლიოში 80 ჟურნალისტი დაიღუპა

2018 წლის 11 თვის განმავლობაში, პროფესიული საქმიანობის განხორციელებისას მსოფლიოში 80 ჟურნალისტი დაიღუპა. ამის შესახებ ნათქვამია ორგანიზაციის „რეპორტიორები საზღვრებს გარეშე“ ანგარიშში.

ორგანიზაციაში აღნიშნავენ, რომ ბოლო სამი წლის განმავლობაში დაღუპული ჟურნალისტების რაოდენობა მცირდებოდა, თუმცა წელს ამ რიცხვმა ზრდა დაიწყო.

2018 წელს დაღუპული ჟურნალისტების ნახევარზე მეტი ხუთ ქვეყანაზე მოდის: ავღანეთი (15), სირია (11), იემენი (8), მექსიკა (9) და ინდოეთი (6).

რეზონანსულ ინციდენტებს შორის ორგანიზაცია აღნიშნავს თურქეთში საუდის არაბეთის საკონსულოში საუდელი ჟურნალისტის ჯამალ ხაშოგისა და სლოვაკეთში გამოცემა Aktuality.sk-ს რეპორტიორის იანა კუციაკის მკვლელობას.