დეპუტატების უმრავლესობა უარყოფითად აფასებს იმ ფაქტს, რომ პაატა ბურჭულაძემ იმ სცენაზე იმღერა, სადაც რუსეთის პრეზიდენტი ვლადიმერ პუტინი იმყოფებოდა.

„ხელოვანი თავისუფალია, მაგრამ იმ განსაკუთრებულ ვითარებაში, რომელიც ჩვენ გვაქვს, როცა ტერიტორიები ოკუპირებულია რუსეთის მიერ, ხელოვნებასაც კი გარკვეული პასუხისმგებებლობა ეკისრებოდა, ხოლო პოლიტიკოსზე საუბარიც არ არის", - განაცხადა პარლამენტის ჯანდაცვის კომიტეტის თავმჯდომარემ, აკაკი ზოიძემ.

„ევროპული საქართველოს" წარმომადგენელი გიგი წერეთელი ამბობს, რომ ბურჭულაძის ქმედება მიუღებელია.

„მე ძალიან კარგად ვიცნობ პაატას. ძალიან ვაფასებ, მაგრამ მიმაჩნია, რომ ეს იქნება პაატა, თუ იქნება სხვა, ამ ვითარებაში პუტინის წინ სიმღერა, არის ცუდი", - განაცხადა გიგი წერეთელმა.