დიმიტრი გაბუნია - ვაპირებთ, რომ კონსტრუქციულად ვითანამშრომლოთ პარლამენტთან

პირველ რიგში ჩვენ ვაპირებთ, რომ კონსტრუქციულად ვითანამშრომლოთ პარლამენტთან, - ამის შესახებ პრეზიდენტ სალომე ზურაბიშვილის საპარლამენტო მდივანმა, დიმიტრი გაბუნიამ ჟურნალისტებს განუცხადა.

მისი თქმით, ის აქტიური კომუნიკაციის დამყარებას აპირებს საკანონმდებლო ორგანოსგან.

„მე დღეს დავუკავშირდები ყოფილი პრეზიდენტის, გიორგი მარგველაშვილის ყოფილ საპარლამენტო მდივანს, ანა ნაცვლიშვილს. ბუნებრივია, მე უნდა გადმოვიბარო საქმეები და შესაბამისად, გავეცნო ამ სტრუქტურას. მაგრამ პირველი, რასაც მე გავაკეთებ, ძირითადად ჩემი სამუშაო ადგილი იქნება პარლამენტში, დავამყარებ აქტიურ კომუნიკაციას პარლამენტთან“, - განაცხადა გაბუნიამ.

ჟურნალისტების კითხვაზე, ვინაიდან პრეზიდენტს კონსტიტუციით არ აქვს საპარლამენტო ინიციატივების უფლება, რა იქნება მისი, როგორც საპარლამენტო მდივნის მოვალეობა, გაბუნია განმარტავს, რომ საპარლამენტო მდივანს საკმაოდ ბევრი ფუნქცია აქვს და პრეზიდენტსა და მის საპარლამენტო მდივანს პარლამენტში „სიტყვა ეთქმის".

„ჩვენ ვაპირებთ ძალიან ეფექტურად, კონსტრუქციულად, ერთ გუნდად ვიმუშაოთ არა მხოლოდ პარლამენტთან, არამედ იმ უფლებამოსილების ფარგლებში, რომელიც საპარლამენტო მდივანს გააჩნია პრეზიდენტის ადმინისტრაციაში“, -განაცხადა გაბუნიამ.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 19.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)