ვინც არღვევს კანონს და ვის წინაშეც მართლმსაჯულებას აქვს კითხვები, აუცილებლად, კანონის წინაშე მოუწევს თავისი პოზიციის ჩამოყალიბება, - ასე აფასებს თავდაცვის მინისტრი ლევან იზორია დავით კირკიტაძის დაკავებას.
მისი თქმით, სამართლებრივ სახელმწიფოში კანონის უზენაესობის პრინციპი უნდა იყოს უზრუნველყოფილი.
„სამართლებრივ სახელმწიფოში კანონის უზენაესობის პრინციპი უნდა იყოს უზრუნველყოფილი განურჩევლად პოლიტიკური შეხედულებებისა და კუთვნილებისა. ვინც არღვევს კანონს და ვის წინაშეც მართლმსაჯულებას აქვს კითხვები, აუცილებლად, კანონის წინაშე მოუწევს თავისი პოზიციის ჩამოყალიბება",- აღნიშნა იზორიამ.
შსს-ს ინფორმაციით, დავით კირკიტაძე ველისციხეში გამართულ აქციაზე პოლიციელზე თავდასხმისთვის, ფიზიკური შეურაცხყოფისა და ქონების დაზიანებისთვის სისხლის სამართლის კოდექსის 353-ე პრიმა მუხლით, მოსამართლის განჩინებით გუშინ დააკავეს.