ირაკლი კობახიძე - ახალი კონსტიტუცია უზრუნველყოფს იმას, რომ თავიდან იქნას აცილებული ნებისმიერი სახის ავტოკრატიული სისტემის ჩამოყალიბების რისკები

ახალი კონსტიტუცია უზრუნველყოფს იმას, რომ თავიდან იქნას აცილებული ნებისმიერი სახის ავტოკრატიული სისტემის ჩამოყალიბების რისკები, - ამის შესახებ საქართველოს პარლამენტის თავმჯდომარე ირაკლი კობახიძემ ესტონეთის საზოგადოებრივი მაუწყებლისთვის მიცემულ ინტერვიუში განაცხადა.

„90-ში პრობლემები გვქონდა ავტოკრატიასთან დაკავშირებით. სხვადასხვა მთავრობები ახერხებდნენ სხვადასხვა სახის ავტოკრატიული სისტემების შექმნას კონსტიტუციის მეშვეობით. თუმცა, ახალი კონსტიტუცია უზრუნველყოფს იმას, რომ თავიდან იქნას აცილებული ნებისმიერი სახის ავტოკრატიული სისტემის ჩამოყალიბების რისკები. ჩვენ გვექნება ევროპული ტიპის საპარლამენტო სისტემა პროპორციული საპარლამენტო არჩევნებით. პარლამენტი უფრო ძლიერი იქნება ამ საკონსტიტუციო წესრიგის ფარგლებში. ასევე გაძლიერებულია ოპოზიციის უფლებები. ჩვენ ასევე დავხვეწეთ ადამიანის უფლებების დაცვის, სასამართლოს დამოუკიდებლობის დაცვის სტანდარტები. ბევრი ნორმაა, რაც ხელს უწყობს საქართველოში დემოკრატიის გაძლიერებას. მტკიცედ შეგვიძლია ვთქვათ, რომ ახალი კონსტიტუცია უზრუნველყოფს დემოკრატიის გაძლიერებასა და მდგრადობას“, - განაცხადა ირაკლი კობახიძემ.

მისივე თქმით, მიუხედავად გამოწვევებისა საქართველო ძალიან სწრაფად ვითარდება და ახალი კონსტიტუციის ჩარჩოებში საქართველოს პროგრესი შემდგომში დაჩქარდება.

„ჩვენი მიზანია ევროკავშირისა და ნატო-ს სრულფასოვანი წევრები გავხდეთ და საამისოდ სრულად მზად უნდა ვიყოთ. 2020 წლის საპარლამენტო არჩევნების შემდეგ ჩვენ სრულად პროპორციულ სისტემაზე გადავალთ. ჩვენ უზრუნველვყოფთ პარლამენტის უფრო პლურალისტურ შემადგენლობას“, - დასძინა მან.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 16.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ოფისი განახლებულ ჭავჭავაძეზე, ბიზნეს-ცენტრ პიქსელში
საქართველოში მინა-პაკეტის დამზადების ხარისხის კონტროლი ჩატარდა
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა