გიორგი ტყემალაძე - კარგი იქნება, ოპოზიცია განხილვებში მონაწილეობდეს და ამის მიხედვით იღებდეს გადაწყვეტილებებს

თბილისის საკრებულოს სხდომაზე საკრებულოს თავმჯდომარე გიორგი ტყემალაძე მომავალი წლის ბიუჯეტის შესახებ ოპოზიციის განცხადებას გამოეხმაურა.

როგორც გიორგი ტყემალაძემ სხდომაზე განაცხადა, კარგი იქნება, თუ ოპოზიცია მონაწილეობას მიიღებს მნიშვნელოვანი საკითხის განხილვაში და ამის შემდეგ გააკეთებს განცხადებებს.

„მე ცოტა მიკვირს, თუ რას გულისხმობდა ოპოზიციის წარმომადგენელი, როდესაც განაცხადა, რომ ბიუჯეტის სოციალური მიმართულებები შემცირებულია. კარგი იქნება, რომ ასეთი საკითხების გადაწყვეტაში მონაწილეობა მიიღონ. ჩვენ გადაწყვეტილებებს სწორედ მოსახლეობის ინტერესებიდან გამომდინარე ვიღებთ,“- განაცხადა გიორგი ტყემალაძემ.

საკრებულოს ინფორმაციით, გიორგი ტყემალაძე ასევე გამოეხმაურა დღის წესრიგით გათვალისწინებულ საკითხებს, რომელიც თბილისის სხვადასხვა რაიონებში მოსახლეობისთვის ფართების კერძო საკუთრებაში გადაცემას ეხება.

„ეს საკითხი ბევრი წელი იყო ამ ადამიანების მთავარი საზრუნავი. მივულოცოთ მათ, რომ კერძო საკუთრებაში გადაეცემათ ფართები, რომელშიც ათეული წლებია ცხოვრობენ. ჩვენ ვასრულებთ წინასაარჩევნო დაპირებებს,“- განაცხადა გიორგი ტყემალაძემ.

აღნიშნულ ინფორმაციას თბილისის საკრებულოს პრესსამსახური ავრცელებს.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია