„ერთიანი ნაციონალური მოძრაობის” წევრები ხატია დეკანოიძე და თინა ბოკუჩავა არასამთავრობო ორგანიზაციების - “საქართველოს ახალგაზრდა იურისტთა ასოციაციისა” და “სამართლიანი არჩევნების” წარმომადგენლებთან შეხვედრას მართავენ.
შეხვედრა საია-ს ოფისში, დახურულ ფორმატში მიმდინარეობს.
როგორც ხატია დეკანოიძემ შეხვედრის დაწყებამდე ჟურნალისტებს განუცხადა, საუბარი შედგება ბოლო პერიოდში მომხდარ ფაქტებზე, კერძოდ, 16 დეკემბერს ოპოზიციისთვის სიტყვისა და გამოხატვის თავისუფლების, შეკრებისა და მანიფესტაციის უფლებების შეზღუდვის შესახებ და პარტიის ერთ-ერთი ლიდერის დავით კირკიტაძის დაკავებასთან დაკავშირებით.
„დავით კირკიტაძე არის პოლიტპატიმარი, პლუს ერთი პოლიტპატიმარი გვყავს საქართველოში. ჩვენ მივაწვდით ინფორმაციას, არასამთავრობო სექტორის მისაზრებებს მოვისმენთ და ვთხოვთ, რომ ისინი სამართლებრივად აქტიურად ჩაერთონ ყველა იმ პროცესში, რომელიც მიმდინარეობს და არაფერი არ აქვს საერთო დემოკრატიასთან. ეს არის პროცესი, როდესაც სახელმწიფოში ყველა დემოკრატიული ინსტიტუტი ირღვევა”,- აღნიშნა ხატია დეკანოიძემ.