ბექა დავითულიანი - ოპოზიცია არჩევნებზე ხმებს უცნაურად ითვლის, 780 ათასი მათი გათვლებით მილიონზე მეტია

თბილისის საკრებულოს სხდომაზე, ფრაქცია „ქართული ოცნება-დემოკრატიული საქართველოს“ თავმჯდომარემ ბექა დავითულიანმა ოპოზიციას დესტრუქციულ ნაბიჯებზე უარის თქმის და დიალოგის რეჟიმზე გადასვლისკენ მოუწოდა. მისი განცხადებით, ოპოზიციის წარმომადგენლები საკრებულოს სხდომებს მხოლოდ განცხადებებისთვის იყენებენ და შემდეგ დარბაზიდან გადიან.

„ამ ბოლო დროს ჩვენ კოლეგებს ჩვევად ექცათ, რომ განცხადებას აკეთებენ და შემდეგ რატომღაც გარბიან. მგონი, ყველა ვთანხმდებით იმ შეფასებაში, რომ ქვეყანაში არის დაძაბული გარემო და აგრესიული ფონი, თუმცა ამაში ერთი კონკრეტული ოპოზიციური პარტიის ხელი ურევია და ამ ცეცხლზე ნავთს შემდეგ სხვებიც ასხამენ. ეს ყველაფერი ფაქტებით დადასტურდა. დავინახეთ, თელავის მიმართულებისკენ მოძრაობისას,როგორ ექცეოდნენ მათი წარმომადგენლები პოლიციელებს,“- განაცხადა ბექა დავითულიანმა.

ფრაქცია „ქართული ოცნება-დემოკრატიული საქართველოს“ თავმჯდომარემ ოპოზიციას მათემატიკა დაუწუნა და აღნიშნა, რომ არჩევნებზე მიღებულ ხმებს უცნაურად ითვლიან.

„ძალიან უცნაური მათემატიკა აქვთ. 780 000 ხმა ხან 900 000 ხდება, ხანაც მილიონი და კიდევ უფრო მეტი. ზოგჯერ კი 780 000 ხმა მილიონზე მეტადაც გამოჰყავთ. არ ვიცი ამას როგორ ახერხებენ,“- განაცხადა ბექა დავითულიანმა.

მან ოპოზიციონერ კოლეგებს მოუწოდა ბოიკოტის ნაცვლად, დიალოგის რეჟიმზე გადავიდნენ.

ინფორმაციას საკრებულოს პრესსამსახური ავრცელებს.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა