საფრანგეთის პრეზიდენტის ადმინისტრაცია - სარკოზის შერჩევა ინაუგურაციაზე დასასწრებად არ ნიშნავს, რომ მას რეგულარული წარმომადგენლობითი ფუნქციების შესრულება დაეკისრება

საფრანგეთის პრეზიდენტმა ემანუელ მაკრონმა ნიკოლა სარკოზის საქართველოს ახალი პრეზიდენტის, სალომე ზურაბიშვილის ინაუგურაციაზე საფრანგეთის წარმოდგენა დაავალა. ამის შესახებ ინფორმაციას საფრანგეთის პრეზიდენტის ადმინისტრაცია დღეს ოფიციალურად ავრცელებს.

“ნიკოლა სარკოზის შერჩევა, რათა მას წარმოედგინა საფრანგეთი ინაუგურაციის ცერემონიაზე, პრაგმატული და ზუსტი ნაბიჯი იყო ნიკოლა სარკოზის საქართველოსთან კავშირის გამო, სადაც ის 2008 წელს რუსეთთან კონფლიქტის დროს შუამავლის როლს ასრულებდა”, - ნათქვამია საფრანგეთის პრეზიდენტის ადმინისტრაციის განცხადებაში.

ემანუელ მაკრონის ადმინისტრაციაში ასევე განმარტეს, რომ აღნიშნული ნაბიჯი არ ნიშნავს, რომ ნიკოლა სარკოზის რეგულარული წარმომადგენლობითი ფუნქციების შესრულება დაეკისრება.