საქართველოს პარლამენტის დელეგაცია ტალინის ტურისტულ-საგანმანათლებლო ლოკაციებსა და მათი მუშაობის სპეციფიკას გაეცნო

საქართველოს პარლამენტი, ეკონომიკისა და მდგრადი განვითარების სამინისტროსა და ტურიზმის ეროვნულ ადმინისტრაციასთან ერთად, ტურიზმის შესახებ კანონმდებლობაზე მუშაობს. აღნიშნული განცხადება ტალინში, ესტონეთის პარლამენტთან მეგობრობის ჯგუფის ხელმძღვანელმა, ნინო წილოსანმა გააკეთა.

პარლამენტის პრესსამსახურის ცნობით, ირაკლი კობახიძის ვიზიტის ფარგლებში, საპარლამენტო დელეგაციამ ტალინში, ენერგიის აღმოჩენის ცენტრი (Eenergia Avastuskeskus) და საზღვაო მუზეუმი ( Seaplane Harbour Museum) დაათვალიერა.

როგორც ჟურნალისტებთან საუბრისას, ნინო წილოსანმა აღნიშნა, ჩვენს ქვეყანაში, სადაც ტურიზმს განსაკუთრებული ყურადღება ექცევა, მსგავსი ტიპის ლოკაციების განვითარება მნიშვნელოვანია.

„ქვეყანაში, რომელიც დიდ აქცენტებს აკეთებს ტურიზმის განვითარებაზე, მნიშვნელოვანია, მსგავსი ლოკაციები განვავითაროთ, რათა ტურისტებს სხვადასხვა სანახაობების მიღმა, შევთავაზოთ შემეცნებითი ადგილები.

პარლამენტარების ჯგუფმა, ტურიზმის ადმინისტრაციასთან და ეკონომიკის სამინისტროსთან ერთად, დავიწყეთ მუშაობა ტურიზმის კანონმდებლობაზე იმისთვის, რომ გვქონდეს ტურიზმის მდგრადი განვითარება და ამ ზრდას ჰქონდეს პერმანენტული ხასიათი. მნიშვნელოვანია კანონმდებლობის სრულყოფა არა მარტო რეგულაციების, არამედ, წახალისების და სტიმულირების კუთხითაც“,- განაცხადა ნინო წილოსანმა.

მისივე შეფასებით, ესტონეთი საუკეთესო მაგალითია იმისა, თუ როგორ შეიძლება ქვეყანამ რესურსები ეკონომიკური სარგებლის მოტანასა და ტურიზმის გაზრდასთან ერთად, საგანმანათლებლო ადგილად ქცევისთვის გამოიყენოს. ნინო წილოსანის თქმით, მნიშვნელოვანია, რომ „ენგურჰესის“ კაშხალის განვითარებისა და ტურისტული ღირშესანიშნაობის მოწყობის პროექტზე ტალინის საზღვაო მუზეუმის კონცეფციის შემქმნელი ესტონელი ექსპერტები და არქიტექტორები მუშაობენ.

„ჩვენ მოვინახულეთ ორი ძველი საწარმო, სადაც ძალიან კარგი, შემეცნებითი ადგილებია გაკეთებული იმისთვის, რომ ადგილობრივმა ბავშვებმა და ახალგაზრდებმა საინტერესოდ გაატარონ დრო და ამასთანავე, უცხოელმა ტურისტებმა დაათვალიერონ იგი. კარგია, რომ აღნიშნული ორი ქარხნის კონცეფციის შემქმნელი ჯგუფი მუშაობს საქართველოში და ამუშავებს ენგურის ჰესზე ძალიან კარგ, სანახაობრივ პროექტს. დიდი იმედი მაქვს, რომ ამ პროექტის განხორციელება უახლოეს მომავალში დაიწყება“,- განაცხადა ნინო წილოსანმა.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა