ჩვენ ვიცოდით, რომ ბუტა რობაქიძეს პოლიციასთან არანაირი შეხება არ ჰქონია - ეს გადაწყვეტილება მივიღეთ იმიტომ, რომ იქ ფიგურირებდა გვარი ადეიშვილი, - ამის შესახებ „პალიტრანიუსის“ გადაცემაში „360 გრადუსი“ კრიმინალური პოლიციის ყოფილმა უფროსმა, რობაქიძის საქის მოწმემ, ზაზა ბაქრაძემ განაცხადა.

მისი თქმით, აღნიშნულ საქმეში მონაწილეობა შიშის საფუძველზე მიიღო. გადაცემის მსვლელობისას, ბაქრაძემ რობაქიძის მკვლელობის დღის მნიშვნელოვანი მომენტები გაიხსენა.

„ჩვენ ვიცოდით, რომ ამ ბავშვს პოლიციასთან არანაირი შეხება არ ჰქონია. ჩვენ ეს გადაწყვეტილება მივიღეთ იმიტომ, რომ იქ ფიგურირებდა გვარი ადეიშვილი. მე იმ მომენტში შემეშინდა ჩემი ოჯახის გამო. გარანტირებული მქონდა, რომ ჩემი ოჯახის წევრებს პრობლემები შეექმნებოდათ, თუ მეც არ მივიღებდი ამაში მონაწილეობას. მიქაძემ მითხრა, რომ ეს არის ადეიშვილის გადაწყვეტილებაო, ეს არის პრეზიდენტ სააკაშვილის რეფორმა და არავითარ შემთხვევაში პატრულის თანამშრომელი არ უნდა დადანაშაულდესო. აქ მთავარია ერთი მომენტი - თქვენ ნანახი გაქვთ კადრები, ამ სისასტიკეში ჩადებულია, რომ იქ უნდა ყოფილიყო: ასე მოექცნენ პოლიციელებს და ჩვეულებრივ მოქალაქეებს რას უზამენო“, - აღნიშნა ზაზა ბაქრაძემ.

იხილეთ ვიდეო: რობაქიძის საქმის გაყალბების გადაწყვეტილება მივიღეთ იმიტომ, რომ იქ ფიგურირებდა გვარი ადეიშვილი - ზაზა ბაქრაძე