დავით ზალკალიანი - ჩვენთვის ძალიან მნიშვნელოვანია, რომ პარლამენტი საგარეო პოლიტიკური კუთხით და არსებულ გამოწვევებზე მუდმივად ინფორმირებული იყოს

ჩვენთვის ძალიან მნიშვნელოვანია, რომ პარლამენტი საგარეო პოლიტიკური კუთხით და არსებულ გამოწვევებზე მუდმივად ინფორმირებული იყოს, - ამის შესახებ ჟურნალისტებს საქართველოს საგარეო საქმეთა მინისტრმა დავით ზალკალიანმა ელჩების კონფერენციის დღევანდელი პანელის გახსნამდე განუცხადა. დღეს ქართველი დიპლომატები პარლამენტის თანამდებობის პირებს შეხვდებიან.

„დღეს პირველი პანელი დათმობილია საქართველოს დიპლომატიური კორპუსის პარლამენტთან ურთიერთობაზე. ყველა მნიშვნელოვან საკითხს, მათ შორის საპარლამენტო დიპლომატიის კუთხით თანამშრომლობის ძირითად მიმართულებებს გავივლით. ახალ გარემოებაში, როდესაც საქართველო საპარლამენტო დემოკრატიის მმართველობის პრინციპზე გადავიდა, პარლამენტის როლი კიდევ უფრო გაზრდილია. აქედან გამომდინარე ჩვენთვის პარლამენტთან მჭიდრო თანამშრომლობის განვითარება ძალიან მნიშვნელოვანია. საპარლამენტო ზედამხედველობა ძლიერდება. აქედან გამომდინარე ჩვენთვის ძალიან მნიშვნელოვანია, რომ პარლამენტი საგარეო პოლიტიკური კუთხით და არსებულ გამოწვევებზე მუდმივად ინფორმირებული იყოს. ეს მნიშვნელოვანია იმისთვის, რომ პრობლემებს ეფექტურად გავუმკლავდეთ", - განაცხადა ზალკალიანმა.

მისივე თქმით, დღეს ელჩების კონფერენციაზე სიახლე იქნება.

"ელჩები დისკუსიებში მონაწილეობას თავად მიიღებენ. თემატურ შეხვედრებს მოდერაციას თვითონ გაუწევენ. ეს თემატური შეხვედრები იქნება რეგიონში მიმდინარე პროცესებზე, ატლანტიკური ინტეგრაციით ქვეყნის პროორიტეტებზე, ჩვენს სტრატეგიულ პარტნიორებთან ურთიერთობებზე. ასევე განვიხილავთ ეკონომიკურ დიპლომატიას. დღის ბოლოს ჩვენ შეხვედრა ბიზნეს წრეების წარმომადგენლებთან გვექნება. ყველა ეს მნიშვნელოვანი თემატური საკითხი უშუალოდ ელჩების ჩართულობით განხორციელდება",- აღნიშნა ზალკალიანმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში