სალომე სამადაშვილი როგორც ელჩი იყო ქვეყნისთვის საზიანო და უმაქნისი, როგორც იურიდიული კომიტეტის წევრი უსაქმური და კანონების არმცოდნე, - ამის შესახებ „ნაციონალური მოძრაობის“ წევრის, სალომე სამადაშვილის შესახებ პარლამენტის იურიდიული კომიტეტის თავმჯდომარე ეკა ბესელია აცხადებს.
ბესელია ხაზს უსვამს, რომ სამადაშვილს კომიტეტის სხდომებზე დასწრების ყველაზე მეტი გაცდენა აქვს.
„არ წაუკითხავს არც ერთი კანონპროექტი, რაც იხილება პარლამენტში“, - აცხადებს ბესელია და იქვე უკვირს, აქამდე რატომ იყო სამადაშვილი კომიტეტის წევრი.
შეგახსენებთ, რომ ფრაქცია „ნაციონალური მოძრაობის“ წევრმა სალომე სამადაშვილმა იურიდიულ საკითხთა კომიტეტის დატოვებისა და ადამიანის უფლებათა დაცვის კომიტეტში გადასვლის გადაწყვეტილება მიიღო.
როგორც სამადაშვილმა გუშინ განაცხადა, ოპოზიციას იურიდიულ საკითხთა კომიტეტში საქმიანობის შესაძლებლობა არ ეძლევა და მის შემადგენლობაში დარჩენას აზრი არ აქვს.