საგარეო საქმეთა მინისტრის მოადგილე, ვახტანგ მახარობლიშვილი იმედოვნებს, რომ საფრანგეთთან კვალიფიციური ბინადრობის და მიგრაციის შეთანხმების აღსრულება უმოკლეს ვადებში მოხდება.

როგორც მახარობლიშვილმა განმარტა, მიმდინარეობს დაზუსტება, თუ ვინ უნდა მოხვდეს დასაქმებულთა რიგებში, რა კრიტერიუმებს უნდა აკმაყოფილებდეს და ა.შ.

„უნდა მოხდეს კონკრეტული სპეციალობების იდენტიფიცირება ამა თუ იმ ქვეყანაში, რომელიც მოთხოვნადია. მას შემდეგ, რაც შერჩეული იქნება ეს სპეციალობები, მოხდება გაცვლა პროფესიონალი მოქალაქეების. ვადები თუ რა პერიოდში დაიწყება ეს ყველაფერი, განსაზღვრული არ არის. ჩვენ იმედი გვაქვს, რომ ეს პროცედურები და დეტალები უახლოეს მომავალში დადგინდება", - განაცხადა მახარობლიშვილმა.

მისივე განმარტებით, მსგავსი შეთანხმების გაფორმებაზე მუშაობა მიმდინარეობს არაერთ ქვეყანასთან, მათ შორის ბულგარეთთან. მახარობლიშვილის თქმით, ბულგარეთმა აღნიშნულზე მზაობა უკვე გამოთქვა და მიმდინარეობს მუშაობა.