რელიგიის საკითხთა სახელმწიფო სააგენტო ყველა მართლმადიდებელს ნიკოლოზობას ულოცავს.
„დღეს საქართველოს სამოციქულო ავტოკეფალური მართლმადიდებელი ეკლესია წმიდა ნიკოლოზ სასწაულმოქმედის ხსენების დღეს აღნიშნავს. წმიდა ნიკოლოზი დიდი სიყვარულით სარგებლობს მორწმუნეებში, მას უხმობენ და მისი შემწეობის იმედი აქვთ ყველა გასაჭირში.
მართლმადიდებელი ეკლესია ორჯერ აღნიშნავს წმინდა ნიკოლოზის ხსენების დღეს: 19 დეკემბერს, როცა იგი გარდაიცვალა და 22 მაისს, მირონიდან ბარში მისი წმინდა ნაწილების გადასვენების დღეს. წმინდა მღვდელთმთავარი ნიკოლოზი საქართველოს მართლმადიდებელი ეკლესიის მფარველად ითვლება.
რელიგიის საკითხთა სახელმწიფო სააგენტო ყველა მართლმადიდებელს გილოცავთ ნიკოლოზობას, ღვთის წყალობასა და სიხარულს გისურვებთ“, - ნათქვამია ინფორმაციაში.