შრომის საერთაშორისო ორგანიზაცია თბილისში პროფკავშირების გამოწვევებზე და კომუნიკაციის საკითხებზე სპეციალურ კონფერენციას მართავს

შრომის საერთაშორისო ორგანიზაცია თბილისში პროფკავშირების გამოწვევებზე და კომუნიკაციის საკითხებზე სპეციალურ კონფერენციას მართავს. ამის შესახებ „ინტერპრესნიუსს“ საქართველოს პროფესიული კავშირების გაერთიანებიდან აცნობეს.

მათივე ინფორმაციით, შეხვედრა ორ ნაწილად იყოფა და პირველი ფაზა საქართველოს პროფკავშირების ლიდერებისთვის უახლესი საკომუნიკაციო ტენდენციების გაცნობას, მათ წინაშე არსებული გამოწვევების წარმოჩენას და დისკუსიების გამართვას ისახავს მიზნად, ხოლო მეორე ფაზა აღმოსავლეთ ევროპის და ცენტრალური აზიის 10 ქვეყნის პროფკავშირების წარმომადგენლების ჩართულობის გაზრდას, დაგროვილი გამოცდილებების გაზიარებას, პრობლემების წარმოჩენას და სოციალური და შრომითი კუთხით არსებული მდგომარეობის განხილვას დაეთმობა.

მსჯელობის საკითხებს შორისაა პროფკავშირების მომავალი ევროპაში, არსებული სოციალური და ეკონომიკური პრობლემები, შრომის საერთაშორისო ორგანიზაციის კონვენციები და საერთო ამოცანები. განხილვის თემებია არაფორმალურ და ციფრულ ეკონომიკაში დასაქმებულთა ბედი, საერთაშორისო სტანდარტების დანერგვა, სამმხრივი დიალოგი, კოლექტიური მოლაპარაკებები და ინფორმაციის საზოგადოებისთვის მიწოდება.

პროფკავშირების ინფორმაციით, შეხვედრას უძღვებიან შრომის საერთაშორისო ორგანიზაციის მშრომელთა აქტივობების ბიუროს წარმომადგენელი გოჩა ალექსანდრია, კომუნიკაციის და საზოგადოებრივი ინფორმაციის ოფიცერი მამადუ სუარე. პრაქტიკულ ტრენინგს ატარებენ პროფკავშირის კომუნიკაციის ექსპერტები ვასილე სიოარიჩი და შსო-ს საზოგადოებასთან ურთიერთობის დეპარტამენტის სპეციალისტი ოლგა ბოგდანოვა. შეხვედრის მონაწილეებს სიტყვით მიმართა პროფკავშირების გაერთიანების თავმჯდომარემ ირაკლი პეტრიაშვილმა, რომელმაც აქცენტი გააკეთა მსოფლიოს წამყვან განვითარებულ ქვეყნებში პროფკავშირების როლზე, აგრეთვე მისი მნიშვნელობის წარმოჩენაზე. შსო-ს მშრომელთა აქტივობების ბიუროს ევროპის და ცენრალური აზიის დეპარტამენტის ხელმძღვანელმა სერგიულს გლოვაცკასმა რეგიონში შრომით სფეროში არსებული ვითარების მიმოხილვა გააკეთა.

კონფერენცია შრომის საერთაშორისო ორგანიზაციის ეგიდით, საქართველოს პროფკავშირებთან თანამშრომლობით იმართება. იგი თბილისში, სასტუმრო „ჰოლიდეი ინნ“-ში 21 დეკემბრამდე გაგრძელდება.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)