იქნება პერმანენტული, უწყვეტი აქციები, იქნება წინააღმდეგობის მოძრაობა, ჩვენ ივანიშვილის რეჟიმს არ დავუთმობთ საქართველოს საჯიჯგნად, - ამის შესახებ გურჯაანის რაიონულ სასამართლოსთან „ნაციონალური მოძრაობის“ წევრმა კობა ხაბაზმა განუცხადა.

როგორც ის აღნიშნავს, იმ შემთხვევაში, თუ სასამართლო დღეს დავით კირკიტაძეს არ გაათავისუფლებს, აქციები არ შეწყდება.

„დღევანდელი დღის კონკრეტული მოთხოვნაა დავით კირკიტაძის გათავისუფლება. მიიღებს დღეს საასამართლო სამარცხვინო გადაწყვეტილებას? კიდევ ერთხელ დაადასტურებს ოფიციალურად, რომ თავისუფალი ნება, სიტყვის გამოხატვის, გადაადგილების თავისუფლება შეგვეზღუდება? კიდევ ერთხელ გვეტყვის ივანიშვილი, მე ვარ და ჩემი ნაბადიო? მიიღებს უარესს! ეს არ დამთავრდება! იქნება პერმანენტული, უწყვეტი აქციები, იქნება წინააღმდეგობის მოძრაობა. ჩვენ ივანიშვილის რეჟიმს არ დავუთმობთ საქართველოს საჯიჯგნად", - განაცხადა ხაბაზმა.