გიორგი გახარია პარლამენტში სამინისტროს მუშაობის ანგარიშის წარდგენის მიზნით მიდის და მზადყოფნას გამოთქვამს, პარლამენტის მიერ სამინისტროს წინაშე დასმულ საკითხებზე ისაუბროს
შს მინისტრი გიორგი გახარია პარლამენტში სამინისტროს მუშაობის ანგარიშის წარდგენის მიზნით მიდის. ამასთან, მზადყოფნას გამოთქვამს, კომპეტენციის ფარგლებში პარლამენტის მიერ სამინისტროს წინაშე დასმულ საკითხებზე ისაუბროს.
გიორგი გახარიას წერილობითი მიმართვა, წარსდგეს 21 დეკემბრის რიგგარეშე პლენარულ სხდომაზე, პარლამენტშია და ის დეპუტატებმა უკვე მიიღეს.
შს მინისტრი უმაღლეს საკანონმდებლო ორგანოში ახალი რეგლამენტის 154-ე მუხლის შესაბამისად მიდის, რომლის მიხედვით, მთავრობის წევრი მოსმენის მოთხოვნით პარლამენტს საკუთარი ინიციატივით მიმართავს და მას პარლამენტი მოთხოვნისთანავე უსმენს.
პლენარულ სხდომაზე მინისტრის გამოსვლის შემდეგ, დეპუტატების გამოსვლები დაიწყება.
იხილეთ ვიდეო: შს მინისტრი მზადაა პარლამენტის მიერ სამინისტროს წინაშე დასმულ საკითხებს უპასუხოს
