ბრაზილიის გენერალურმა პროკურატურამ ქვეყნის პრეზიდენტის წინააღმდეგ კორუფციაში და ფულის გათეთრებაში ბრალდება მოამზადა

ბრაზილიის გენერალურმა პროკურატურამ ქვეყნის პრეზიდენტის მიშელ ტემერის წინააღმდეგ კორუფციაში და ფულის გათეთრებაში ბრალდება მოამზადა.

ამის შესახებ ტელეარხი Globo იუწყება.

აღნიშნული საქმე პრეზიდენტის ბრძანებას ეხება, რომლის თანახმად, ბრაზილიის პორტების მართვის ნორმები გამარტივდა. გამოძიება მიიჩნევს, რომ მიშელ ტემერს შეეძლო აღნიშნულ ბრძანებაზე ხელი მოეწერა ლოგისტიკური კომპანია Rodrimar S. A. ინტერესების სასარგებლოდ, რის სანაცვლოდაც გასამრჯელო მიიღო.

თუმცა, ვინაიდან საქმე ეხება ქვეყნის პრეზიდენტს, მიშელ ტემერისთვის ბრალდების წაყენების საბოლოო გადაწყვეტილება ფედერალურმა უზენაესმა სასამართლომ უნდა მიიღოს. გარდა ამისა, სასამართლო პროცესი ქვეყნის პრეზიდენტთან მიმართებაში ვერ დაიწყება პარლამენტის თანხმობის გარეშე.

აღსანიშნავია, რომ მოქმედი პრეზიდენტის ვადა 2019 წლის 1-ელ იანვარს იწურება, როდესაც ახლად არჩეული პრეზიდენტის ჟაირ ბოლსონარუს ინაუგურაცია გაიმართება.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 12.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება