დავით კირკიტაძეს ოპოზიციონერი დეპუტატები თავდებში უდგებიან. ადვოკატმა გიორგი კონდახიშვილმა გურჯაანის სასამართლოში მიმდინარე პროცესზე მოსამართლეს ოპოზიციური პარტიების 27 დეპუტატის ხელმოწერა წარუდგინა, სადაც დაფიქსირებულია, რომ თითოეული მათგანი თანხმობას აცხადებს თავდებში ჩაუდგეს დავით კირკიტაძეს.
ადვოკატმა გიორგი კონდახიშვილმა სასამართლოს კირკიტაძისთვის აღკვეთის ღონისძიების სახედ გირაოს გამოყენება შესთავაზა. ადვოკატის განმარტებით, შესაძლებელია 5 ათასი ლარის ფარგლებში გირაო გაფორმდეს ან მოხდეს უძრავი ქონებით უზრუნველყოფა. ასევე დაცვის მხარემ მზაობა გამოთქვა, ბრალდებულმა ჩააბაროს პასპორტიც.
თავის მხრივ, კირკიტაძისთვის პატიმრობის შეფარდებას ითხოვს პროკურატურა.