ნათია მეზვრიშვილი - დავით კირკიტაძის მიმართ პატიმრობის გამოყენების კონკრეტული საფუძვლები არსებობდა და ამ საფუძვლებით შეეფარდა პატიმრობა
როგორც ჩემთვის ცნობილია, დავით კირკიტაძის მიმართ პატიმრობის გამოყენების კონკრეტული საფუძვლები არსებობდა და ამ საფუძვლებით შეეფარდა პატიმრობა, - ამის შესახებ ჟურნალისტებს შს მინისტრის მოადგილემ ნათია მეზვრიშვილმა განუცხადა. მისი თქმით, დავით კირკიტაძეს ბრალი ედება კონკრეტული დანაშაულის ჩადენაში.
„კადრები საზოგადოებამ კარგად იხილა. დღევანდელი აღკვეთის ღონისძიება არ არის დასასრული ამ საქმის, ეს არ არის განაჩენი. როგორც ჩემთვის ცნობილია, დავით კირკიტაძის მიმართ პატიმრობის გამოყენების კონკრეტული საფუძვლები არსებობდა და ამ საფუძვლებით შეეფარდა პატიმრობა", - განაცხადა მეზვრიშვილმა.
შეგახსენებთ, გაერთიანებული ოპოზიციის ერთ-ერთ ლიდერს დავით კირკიტაძეს გურჯაანის სასამართლომ აღკვეთის ღონისძიების სახით პატიმრობა შეუფარდა.
