შს მინისტრს არ გამოუვა თავი აარიდოს პასუხებს და ერთგან თვალის ჩაკვრით და მეორეგან გაღიმებით არ გასცეს ყველაზე მნიშვნელოვან კითხვას პასუხი, - ამის შესახებ ჟურნალისტებს ზაზა სარალიძესთან შეხვედრის შემდეგ "ევროპული საქართველოს" წევრმა სერგი კაპანაძემ განუცხადა. მისი თქმით, შს მინისტრთან ერთ-ერთი მთავარი კითხვები ხვალ, პარლამენტში, ხორავას ქუჩის საქმესთან დაკავშირებით დაისმება.

„ზაზასთან ერთად ვისაუბრეთ ამ საქმეზე. ხვალ შს მინისტრი მოდის პარლამენტში. მას არ გაუცია პასუხები იმ კითხვებზე, რაც საგამოძიებო კომისიამ დაუსვა. ზაზა იზიარებს პოზიციას და აინტერესებს ამ კითხვებხე პასუხის გაცემა. ხელისუფლება ცდილობს უპასუხოდ დატოვებით საზოგადოებრივი ყურადღება მოადუნოს. შს მინისტრს არ გამოუვა თავი აარიდოს პასუხებს და ერთგან თვალის ჩაკვრით და მეორეგან გაღიმებით არ გასცეს ყველაზე მნიშვნელოვან კითხვებს პასუხები",- განაცხადა კაპანაძემ.