თამარ ჟვანიამ დაიმსახურა ის, რომ იგი უნდა იყოს ერთ-ერთი ამ წარდგენილ 3 კანდიდატს შორის", - ამის შესახებ "განვითარებისა და დემოკრატიიის ცენტრის" აღმასრულებელმა დირექტორმა ქეთი ჩაჩავამ განაცხადა. მისი თქმით, ჟვანიამ რთულ პოლიტიკურ პირობებში მაქსიმალური ნეიტრალიზმის შენარჩუნება შეძლო.

“პირველ რიგში, მისასალმებელი იყო პრეზიდენტის მხრიდან ღიაობა, ვინაიდან ნამდვილად ყველას ჰქონდა შესაძლებლობა, დაესახელებინა თავისი კანდიდატი. "განვითარებისა და დემოკრატიიის ცენტრი" 2012 წელს გახლდათ თამარ ჟვანიას ერთ-ერთი წარმდგენი ორგანიზაცია და მაშინ გახსოვთ, როგორი ერთსულოვანი იყო სამოქალაქო სექტორი. ჩვენი შეფასებით, საარჩევნო ადმინისტრაციის მუშაობაში, რა თქმა უნდა, იყო როგორც გამოწვევები, ასევე ძალიან ბევრი კრიტიკაც, თუმცა ვფიქრობთ, რომ ქალბატონმა თამარმა დაიმსახურა ის, რომ იგი უნდა იყოს ერთ-ერთი ამ წარდგენილ 3 კანდიდატს შორის, ვინაიდან მან იმ რთულ პირობებში და ისეთ რთულ პოლიტიკური დაძაბულობის ფონზე მოახერხა მაქსიმალური ნეიტრალიზმის და პროფესიონალიზმის გამოჩენა. შესაბამისად, ვფიქრობთ, რომ ის უნდა იყოს წარდგენილი, როგორც ერთ -ერთი კანდიდატი", - განაცხადა ჩაჩავამ.