მიგვაჩნია, რომ ადამიანები, რომლებიც თავს ესხმიან პოლიციელებს და წინააღმდეგობას უწევენ მათ, არ არიან გმირები - ისინი არიან დამნაშავეები - ამის შესახებ რეგიონული განვითარების საკითხებში პრემიერ-მინისტრის მრჩეველმა სოზარ სუბარმა დავით კირკიტაძის საკითხზე საუბრისას განაცხადა.

მისი თქმით, ყველა პირმა, ვინც მსგავს საქციელს სჩადის, პასუხი უნდა აგოს. „მე გავიხსნებდი 2004 წლის ამბავს, როდესაც დავით კირკიტაძე იყო პარლამენტის წევრი და ის იარაღით გაუსწორდა პარლამენტის დაცვის წევრს. მაშინდელი პრეზიდენტი, სააკაშვილი გამოვიდა და გამოაცხადა, რომ ადამიანი, რომელმაც სცემა პარლამენტის დაცვის წევრს, არის გმირი და მას მადლობა გადაუხადა. ჩვენ მიგვაჩნია, რომ ადამიანები, რომლებიც თავს ესხმიან პოლიციელებს და წინააღმდეგობას უწევენ მათ, არ არიან გმირები, ისინი არიან დამნაშავეები და პასუხი უნდა აგონ“, - განაცხადა რეგიონული განვითარების საკითხებში პრემიერ-მინისტრის მრჩეველმა სოზარ სუბარმა.