ჭავჭავაძის გამზირზე მომხდარი სროლის გამო დაკავებული ყოფილი პრეზიდენტის, გიორგი მარგველაშვილის სიძის მეგობრის, დავით კაჭარავას აღკვეთის ღონისძიების შეფარდებაზე სასამართლო დღეს იმსჯელებს.

გასულ სხდომაზე, ბრალდებული მისივე მოთხოვნით სამედიცინო დაწესებულებაში გადაიყვანეს. კაჭარავამ კლინიკაში მოთავსება ფეხის ტკივილის გამო მოითხოვა.

დავით კაჭარავა მაკა ჩიჩუას სიძის, მინდია გოგოჭურის მეგობარია და მასთან ერთად ის სხვა ინციდენტებშიც ფიგურირებდა.

დაკავებულს ბრალი სისხლის სამართლის დანაშაულზე - ცეცხლსასროლი იარაღის შეძენა-შენახვისთვის აქვს წაყენებული.

მასთან ერთად დაკავებულ კიდევ ორ პირს, ზურა რაზმაძეს ოთხდღიანი პატიმრობა, ირაკლი რამიშვილს კი, ორდღიანი პატიმრობა 19 დეკემბერს შეეფარდათ.